Plantun de Prouvènço

Pèr coumpara dos planto d'encò nostre

Torilis japonica & Potamogeton nodosus

Torilis japonica

Apiaceae Umbelliferae

Nom en français : Torilis du Japon.

Descripcioun :
Aquéu grand Torilis, gaire coumun au nostre, trachis dins li champ, ermas e óuriero de bos. Se recounèis i noumbróusi bratèio souto li brout de flour (oumbello). Li fru soun cubert de pouncho que remounton un pau. Pensa de coumpara emé lis àutri tourilis. La subsp. de Prouvènço ié dison Japonica.

Usanço :
Se counèis pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 1 (1,5) m
Fueio : coumpausado
Tipe bioulougico : Emicriptoufite
Cicle bioulougico : Renadivo mounoucarpico

Gènre : Torilis
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 20 à 40 mm
Flourido : Printèms - Estiéu

Sòu : Ca
Autour basso e auto : 0 à 1600 m
Aparado : Noun
Mai à avoust

Liò : Champ - Ermas - Óuriero de bos - Sebisso
Estànci : Mesoumediterran à Mountagnard
Couroulougi : Éurasiatico
Ref. sc. : Torilis japonica (Houtt.) DC., 1830

Espigo-d'aigo(-nouseludo)

Potamogeton nodosus

Potamogetonaceae

Autre noum : Poutamot.

Noms en français : Potamot noueux, Epi d'eau.

Descripcioun :
Aquesto espigo-d'aigo trachis dins lis aigo pulèu prefoundo ounte pòu faire un tapis de fueio. Li fueio de surfaco (5 à 12 cm X 2 à 6 cm) laisson pas passa lou lume, soun pulèu espèsso e souvènt un pau bruno. Aquéli dins l'aigo, soun mai primo e fragilo e se ié vèi bèn li costo. L'espigo, pourtado pèr un pecou espès, sort de l'aigo (3 à 5 cm de long).

Usanço :
D'ùnis espigo-d'aigo sarien manjadisso en Asìo.